Al-A'la( الأعلى)
Original,King Fahad Quran Complex(الأصلي,مجمع الملك فهد القرآن)
show/hide
Tahir ul Qadri(طاہر القادری)
show/hide
بِسمِ اللَّهِ الرَّحمٰنِ الرَّحيمِ سَبِّحِ اسمَ رَبِّكَ الأَعلَى(1)
اپنے رب کے نام کی تسبیح کریں جو سب سے بلند ہے،(1)
الَّذى خَلَقَ فَسَوّىٰ(2)
جس نے (کائنات کی ہر چیز کو) پیدا کیا پھر اسے (جملہ تقاضوں کی تکمیل کے ساتھ) درست توازن دیا،(2)
وَالَّذى قَدَّرَ فَهَدىٰ(3)
اور جس نے (ہر ہر چیز کے لئے) قانون مقرر کیا پھر (اسے اپنے اپنے نظام کے مطابق رہنے اور چلنے کا) راستہ بتایا،(3)
وَالَّذى أَخرَجَ المَرعىٰ(4)
اور جس نے (زمین سے) چارہ نکالا،(4)
فَجَعَلَهُ غُثاءً أَحوىٰ(5)
پھر اسے سیاہی مائل خشک کردیا،(5)
سَنُقرِئُكَ فَلا تَنسىٰ(6)
(اے حبیبِ مکرّم!) ہم آپ کو خود (ایسا) پڑھائیں گے کہ آپ (کبھی) نہیں بھولیں گے،(6)
إِلّا ما شاءَ اللَّهُ ۚ إِنَّهُ يَعلَمُ الجَهرَ وَما يَخفىٰ(7)
مگر جو اﷲ چاہے، بیشک وہ جہر اور خفی (یعنی ظاہر و پوشیدہ اور بلند و آہستہ) سب باتوں کو جانتا ہے،(7)
وَنُيَسِّرُكَ لِليُسرىٰ(8)
اور ہم آپ کو اس آسان (شریعت پر عمل پیرا ہونے) کے لئے (بھی) سہولت فراہم فرمائیں گے،(8)
فَذَكِّر إِن نَفَعَتِ الذِّكرىٰ(9)
پس آپ نصیحت فرماتے رہیے بشرطیکہ نصیحت (سننے والوں کو) فائدہ دے،(9)
سَيَذَّكَّرُ مَن يَخشىٰ(10)
البتہ وہی نصیحت قبول کرے گا جو اﷲ سے ڈرتا ہوگا،(10)
وَيَتَجَنَّبُهَا الأَشقَى(11)
اور بدبخت اس (نصیحت) سے پہلو تہی کرے گا،(11)
الَّذى يَصلَى النّارَ الكُبرىٰ(12)
جو (قیامت کے دن) سب سے بڑی آگ میں داخل ہوگا،(12)
ثُمَّ لا يَموتُ فيها وَلا يَحيىٰ(13)
پھر وہ اس میں نہ مرے گا اور نہ جیئے گا،(13)
قَد أَفلَحَ مَن تَزَكّىٰ(14)
بیشک وہی بامراد ہوا جو (نفس کی آفتوں اور گناہ کی آلودگیوں سے) پاک ہوگیا،(14)
وَذَكَرَ اسمَ رَبِّهِ فَصَلّىٰ(15)
اور وہ اپنے رب کے نام کا ذکر کرتا رہا اور (کثرت و پابندی سے) نماز پڑھتا رہا،(15)
بَل تُؤثِرونَ الحَيوٰةَ الدُّنيا(16)
بلکہ تم (اﷲ کی طرف رجوع کرنے کی بجائے) دنیاوی زندگی (کی لذتوں) کو اختیار کرتے ہو،(16)
وَالءاخِرَةُ خَيرٌ وَأَبقىٰ(17)
حالانکہ آخرت (کی لذت و راحت) بہتر اور ہمیشہ باقی رہنے والی ہے،(17)
إِنَّ هٰذا لَفِى الصُّحُفِ الأولىٰ(18)
بیشک یہ (تعلیم) اگلے صحیفوں میں (بھی مذکور) ہے،(18)
صُحُفِ إِبرٰهيمَ وَموسىٰ(19)
(جو) ابراہیم اور موسٰی (علیہما السلام) کے صحائف ہیں،(19)