Al-Inshiqaq(الانشقاق)
Original,King Fahad Quran Complex(الأصلي,مجمع الملك فهد القرآن)
show/hide
Abul A'ala Maududi(ابوالاعلی مودودی)
show/hide
بِسمِ اللَّهِ الرَّحمٰنِ الرَّحيمِ إِذَا السَّماءُ انشَقَّت(1)
جب آسمان پھٹ جائے گا(1)
وَأَذِنَت لِرَبِّها وَحُقَّت(2)
اور اپنے رب کے فرمان کی تعمیل کرے گا اور اُس کے لیے حق یہی ہے (کہ اپنے رب کا حکم مانے)(2)
وَإِذَا الأَرضُ مُدَّت(3)
اور جب زمین پھیلا دی جائے گی(3)
وَأَلقَت ما فيها وَتَخَلَّت(4)
اور جو کچھ اس کے اندر ہے اُسے باہر پھینک کر خالی ہو جائے گی(4)
وَأَذِنَت لِرَبِّها وَحُقَّت(5)
اور اپنے رب کے حکم کی تعمیل کرے گی اور اُس کے لیے حق یہی ہے (کہ اس کی تعمیل کرے)(5)
يٰأَيُّهَا الإِنسٰنُ إِنَّكَ كادِحٌ إِلىٰ رَبِّكَ كَدحًا فَمُلٰقيهِ(6)
اے انسان، تو کشاں کشاں اپنے رب کی طرف چلا جا رہا ہے، اور اُس سے ملنے والا ہے(6)
فَأَمّا مَن أوتِىَ كِتٰبَهُ بِيَمينِهِ(7)
پھر جس کا نامہ اعمال اُس کے سیدھے ہاتھ میں دیا گیا(7)
فَسَوفَ يُحاسَبُ حِسابًا يَسيرًا(8)
اُس سے ہلکا حساب لیا جائے گا(8)
وَيَنقَلِبُ إِلىٰ أَهلِهِ مَسرورًا(9)
اور وہ اپنے لوگوں کی طرف خوش خوش پلٹے گا(9)
وَأَمّا مَن أوتِىَ كِتٰبَهُ وَراءَ ظَهرِهِ(10)
رہا وہ شخص جس کا نامہ اعمال اُس کی پیٹھ کے پیچھے دیا جائے گا(10)
فَسَوفَ يَدعوا ثُبورًا(11)
تو وہ موت کو پکارے گا(11)
وَيَصلىٰ سَعيرًا(12)
اور بھڑکتی ہوئی آگ میں جا پڑے گا(12)
إِنَّهُ كانَ فى أَهلِهِ مَسرورًا(13)
وہ اپنے گھر والوں میں مگن تھا(13)
إِنَّهُ ظَنَّ أَن لَن يَحورَ(14)
اُس نے سمجھا تھا کہ اسے کبھی پلٹنا نہیں ہے(14)
بَلىٰ إِنَّ رَبَّهُ كانَ بِهِ بَصيرًا(15)
پلٹنا کیسے نہ تھا، اُس کا رب اُس کے کرتوت دیکھ رہا تھا(15)
فَلا أُقسِمُ بِالشَّفَقِ(16)
پس نہیں، میں قسم کھاتا ہوں شفق کی(16)
وَالَّيلِ وَما وَسَقَ(17)
اور رات کی اور جو کچھ وہ سمیٹ لیتی ہے(17)
وَالقَمَرِ إِذَا اتَّسَقَ(18)
اور چاند کی جب کہ وہ ماہ کامل ہو جاتا ہے(18)
لَتَركَبُنَّ طَبَقًا عَن طَبَقٍ(19)
تم کو ضرور درجہ بدرجہ ایک حالت سے دوسری حالت کی طرف گزرتے چلے جانا ہے(19)
فَما لَهُم لا يُؤمِنونَ(20)
پھر اِن لوگوں کو کیا ہو گیا ہے کہ یہ ایمان نہیں لاتے(20)
وَإِذا قُرِئَ عَلَيهِمُ القُرءانُ لا يَسجُدونَ ۩(21)
اور جب قرآن اِن کے سامنے پڑھا جاتا ہے تو سجدہ نہیں کرتے؟(21)
بَلِ الَّذينَ كَفَروا يُكَذِّبونَ(22)
بلکہ یہ منکرین تو الٹا جھٹلاتے ہیں(22)
وَاللَّهُ أَعلَمُ بِما يوعونَ(23)
حالانکہ جو کچھ یہ (اپنے نامہ اعمال میں) جمع کر رہے ہیں اللہ اُسے خوب جانتا ہے(23)
فَبَشِّرهُم بِعَذابٍ أَليمٍ(24)
لہٰذا اِن کو دردناک عذاب کی بشارت دے دو(24)
إِلَّا الَّذينَ ءامَنوا وَعَمِلُوا الصّٰلِحٰتِ لَهُم أَجرٌ غَيرُ مَمنونٍ(25)
البتہ جو لوگ ایمان لے آئے ہیں اور جنہوں نے نیک عمل کیے ہیں ان کے لیے کبھی ختم نہ ہونے والا اجر ہے(25)